Psalms 128
Kau Isrel aminda taike miti yot gwene kopnanga kap taknga.
1Aminu Buyambam tapae akgwaukeie wam tawakaingu waaminda apbaknganong.
2Unzingge puya pasiwawi buyana une aawan kake nanam ba moni pake sanga dapmanggaau usiya.
Siwan sanga gata tasiwiyau takekan siwan kake ga apbakngaya.
3Gatane maatda yotdane yuyuuk
ita nap takngatu tapuyana asinggan aakaing binga siwik.
Siwan gatane waatdakaka olivdane zakngita binga
tebol dakane pukwike nanam nakaing komune takumbasining.
4Siakande siknga. Aminu Buyambam tapae wam gwaamuke tawambiu, sanga take siknga aknga unzing binga papik.
5Buyambamtapa Saion yuak kapata ga take apme tasiwikge take nataat.
Ga keu andakane yuwiak kopatangu
sanga Jerusalem nana kawi take siknga siningge take nataat.
6Sike ga tape mamayasim yuke bapuka masan aatningu akawiakge nataat.
Isrel nana musip kwikwik kakngane take yutningge nataat.
Copyright information for
WNC